Karken in de Gemeend Jaad
 
De Trinitatiskark in Jaad is een „Open Kark“. Dat heet, dat se to de Arbeidstieden van den Karkhoffuppasser Jürgen Hartmann (Meist van maandags bit freedags van Klock 08.00 bit üm Klock 16.30) open is. Wullt ji mit een lüttje oder uk een groote Köppel een Föhrung dör de Kark hebben, denn meldt jo mit Telefon bi Günther Muhs (04732-9185646) oder schrievt een Mail an: This email address is being protected from spambots. You need JavaScript enabled to view it.. To denn evangelschen Gottesdeenst sünd al Minschen sönndags um Klock tein (An jedeneen tweeden Sönndag in'n Maand üm Klock 18.00) haartlik inladen. Achteran gifft dat Gelegenheid in't „Walter-Spitta-Huus“ in de Naberschupp van de Kark bi'n Karkencafé mit de anner Gottesdeenstbesöker bi Koffie un Tee över Gott un de Welt to klönen. Mehr Informatschion över de Kark, Gottesdeensttieden un de Karkengemeend gifft dat up de Website: www.ev-kirche-jade.de
In't Büro van de Jaad-Touristik gifft dat uk dat Book „Die Trintatiskirche in Jade – ein kulturhistorischer Kirchenführer“ to'n Pries van 15.00 € to köpen.
trinitatis kirche jade altar

textline oben links

Uk daarüm lohnt sik een Besöök in de Kark in Jaad: To sehen gifft dat de Kanzel van 1641 van den Ollnborger Gerd Borkemann, de Orgel van Johann Ditrich Busch, de 1739 inweiht wurd, un dat Altarbild van den Künstler ut Jaad, Jan Oeltjen. Dat Bild wurd 1926 in een fierlik Gottesdeenst an de Karkengemeend övergeven. Annerwat to Jan Oeltjen köönt ji lesen ünner „Utstellen – Künstlerhuus Jan Oeltjen“.
St.-Vitus-Kark Schweiborg
offene kircheMan bloots een paar Minuten to Foot sünd de St.-Vitus-Kark Schweiborg up de een Siet un de Diek up de anner Kant utnanner. Van'n Diek ut is dat uk nich mehr wiet bit an de „Waterkant“ van'n Jaadbusen. De Karkengemeend van disse lüttje un bescheden Kark is siet veel Jahrhunnerte mit de Natuurkraft un dat, wat in de Natuur passeert, verbunnen. Dat is de Natuur, de jümmer weer siet Jahrhunnerten in dat Leven van de Kark un de Minschen an de Waterkant ingrepen hett. So is dat eerst Gotteshuus, een Kapell mit Reitdack, dör de Martinifloot Anno 1686 heel un deel tonicht maakt wurrn. Uk de Minschen in Schweiborg mussen na disse Floot wieken. Dat duurde 76 Jahr bit een nee Kark boet wurd. De Kark wurd in de Ollnborger Dänentied, de över hunnert Jahr duurt hett, upboet. In de Twüschentied hett Anno 1717 de Wiehnachtsfloot noch eenmaal dat nee Dörp Schweiborg un den neen Diek kompleet tweimaakt.
trinitatis kirche jade altar

textline oben links

In de St.-Vitus-Kark is een heel ool Altarplaat ut Sandsteen. Wo de kerkummt, kunn 2012 to'n Deel nawiest weern. Dat gifft een Verbinnen mit dat fröhere Klooster in Rastä. Aver wo disse Plaat eegentlich herkummt is wieterhen unklaar. Man dat se richtig oolt is, dat is woll klaar. Mit een besünner Geschicht is uk de Dööpsteen in de Schweiborger Kark verbunnen. To dat 250. Karkenjubiläum 2012 is de Kark van buten un van binnen renoveert wurrn. Butendeem kreeg de Kark an'n Jubiläumsdag den neen Naam St.-Vitus-Kark. Bit daarhen weer disse Kark ahn Naam. Een Book över de Kark, un wat anner in Schweiborg in vergahn Tieden passeert is, gifft dat in't Karkenbüro in Schweiborg to köpen.
Cookies make it easier for us to provide you with our services. With the usage of our services you permit us to use cookies.
More information Ok